مرکزی کتب خانہ:

جامعہ میں مرکزی کتب خانہ ہے جس میں تفسیر و حدیث، فقہ و اصول، ادب عربی، ادب اردو، لغات، فتاوی، نحو و صرف، تاریخ، انگریزی، فارسی، طب، سیرت و سوانح، اردو عربی دواوین، ابحاث و عقائد کے علاوہ دیگر علوم و فنون پر مشتمل تقریبا تیس ہزار کتب کا وقیع ذخیرہ موجود ہے۔

شعبہ دعوت و تبلیغ

معاشرہ کی اصلاح، عوام میں دینی بیداری، غیر اسلامی رسم و رواج کی بیخ کنی، اسلامی احکامات سے روشناسی، کتاب و سنت کے سانچے میں ڈھالنے کا جذبہ پیدا کرنے کی غرض سے یہ شعبہ قائم ہے، شہر اور بیرون شہر دینی و دعوتی اجتماعات میں اساتذہ وطلبہ شرکت کرتے ہیں اور ہر ہفتہ طلبہ کی جماعت اساتذہ کی نگرانی میں کسی قریبی علاقے میں پہنچ کر تبلیغ کا مقدس فریضہ انجام دیتی ہے۔